ایسا محسوس ہوتا تھا کہ سارے مرد برے ہوتے ہیں۔

واشنگٹن :امریکی پاپ گلوکارہ مائلی سائرس  نے  انکشاف کیا ہے کہ وہ ہم جنس پرستی کی جانب صرف اس لیے راغب ہوئیں کیوں کہ انہیں ایسا محسوس ہوتا تھا کہ سارے مرد برے ہوتے ہیں۔

یہ بھی پڑھیئے
شادی کرلی لیکن بیوی بننا پسند نہیں،امریکی گلو کارہ

اپنی ایک  ویڈیو میں مائلی کا کہنا تھا کہ 'میرے دوستو ہمت نہیں ہارنا، دنیا میں اچھے لوگ موجود ہیں اور مجھے وہ مل چکا ہے اور وہ اس وقت میرے ساتھ لائیو بات بھی کررہا ہے

 ویڈیو میں مائلی نے اپنے سابق شوہر لیام کو بھی تنقید کا نشانہ بنایا جبکہ اپنی رومانوی زندگی کے حوالے سے بھی بات کی۔ اپنے انسٹاگرام اکاؤنٹ پر ویڈیو  میں وہ کوڈی سمپسن سے بات چیت کررہی ہیں۔

یہ بھی پڑھیئے
پیار کرناایک آرٹ ،بالغ ہوں جس سے چاہوں رومانس کروں:مائلی سائرس

امریکی پاپ گلوکارہ مائلی سائرس رواں سال اپنی ذاتی زندگی کے باعث میڈیا کی خبروں میں رہیں، اگست میں رپورٹس سامنے آئیں تھی کہ گلوکارہ اپنے شوہر لیام سے علیحدہ ہوگئیں، جس کے بعدیہ بھی کہا گیا کہ ان کے تعلقات امریکی خاتون بلاگر کیتھلین کارٹر سے ہیں اور انہیں ایک دوسرے کے ساتھ رومانس کرتے بھی دیکھا گیا۔

چند روز قبل اداکارہ کو آسٹریلوی گلوکار کوڈی سمپسن کے ساتھ بھی دیکھا گیا، جس کے بعد سے ان کے افیئرز کی رپورٹس سامنے آنے لگی۔

مائلی سائرس نے اپنے شوہر لیام ہیمس ورتھ سے علیحدگی کے دو ماہ بعد ہی آسٹریلوی گلوکار کے ساتھ تعلقات استوار کرلیے  تھے 

خیال رہے کہ 26 سالہ مائلی سائرس نے دسمبر 2018 میں ہولی وڈ اداکار لیام ہیمس ورتھ سے خفیہ شادی کی تھی تاہم صرف 8 ماہ بعد ہی ان دونوں نے علیحدگی کا اعلان کردیا تھا۔

پہلے یہ خبریں سامنے آئی تھیں کہ اداکارہ نے اپنی شادی شدہ زندگی کو موقع دینے کی کوشش کی تاہم لیام کی نشہ کرنے کی عادت نے انہیں یہ رشتہ ختم کرنے پر مجبور کیا۔

تاہم بعدازاں اداکار سے قریبی ذرائع نے بتایا کہ ان دونوں کے درمیان علیحدگی کی وجہ مائلی کا امریکی بلاگر کیتھلن کارٹر کے ساتھ افیئر تھا۔

یاد رہے کہ گلوکارہ و موسیقار کا اپنے انٹرویو میں کہنا تھا کہ یہ بات کتنی عجیب ہے کہ انہوں نے ایک مرد سے شادی کی ہے لیکن اب بھی وہ جنسی طور پر خواتین کی جانب مائل ہوتی ہیں