وزیراعظم لوگوں کو بھیک مانگ کر نہیں کما کر کھانا سکھائیں:رابی پیرزادہ

لاہور:گلوکارہ و اداکارہ رابی پیرزادہ نے  وزیر اعظم کو  ملک سے غربت ختم کرنے کا مشورہ دیتے ہوئے انہیں یاد دلایا کہ انہیں علم ہونا چاہیے کہ پاکستانی عوام بھکاری نہیں وہ کما کر کھانا چاہتے ہیں ان کے لئے روزگا ر کا بندوبست کیا جائے 

یہ بھی پڑھیے 
سانپ اور اژدھے رکھنے کے کیس میں رابی پیرزادہ کے وارنٹ گرفتاری

اداکارہ نے ٹوئٹ کے ذریعے وزیر اعظم عمران خان کو اسلام آباد میں ’سیلانی ماڈل لنگر خانے‘ کھولنے کے بعد مشورہ دیتے ہوئے کہا کہ یہ مسئلہ دوسرے طریقے سے بھی حل کیا جا سکتا تھا۔

انہوں نے  لکھا کہ ’ خان صاحب بہت اچھا کام ہے بھوکے کو روٹی کھلانا، لیکن اگر لنگر پہ مفت روٹیاں توڑنے کے بجائے آپ اسی لنگر پر نوکری کرواتے تو لوگ محنت کر کے کھانا سیکھتے

یہ بھی پڑھیے
اداکارہ یشمہ گِل لادینیت سے مذہب کی طرف مائل کیسے ہوئی
 اداکارہ کی جانب سے عمران خان کو ملک سے غربت ختم کرنے کا مشورہ دینے پر کئی افراد نے ان کی ٹوئٹ کی تعریف کی اور ان سے متفق دکھائی دیے۔تاہم ساتھ ہی کچھ افراد نے یہ نشاندہی بھی کرائی کہ لاکھوں ایسے افراد ہیں جو عمر رسیدہ اور بیماریوں کی وجہ سے کوئی کام نہیں کر سکتے، اس لیے ایسے لنگر خانے بھی لازمی ہیں۔

اپنی ٹوئٹ پر بہت سارے لوگوں کی تعریف کرنے اور کئی افراد کی جانب سے سوالات کیے جانے کے بعد اداکارہ نے ایک اور ٹوئٹ کی اور بتایا کہ انہوں نے صرف وزیر اعظم کو مشورہ دیا ہے اور وہ یہ جانتی ہیں کہ بہت سارے پڑھے لکھے مرد حضرات بے روزگار ہیں۔

اداکارہ نے مداحوں کو بتایا کہ ان کےپاس تمام افراد کے سوالوں کے جوابات دینے کا وقت نہیں۔

ساتھ ہی گلوکارہ نے انکشاف کیا کہ انہوں نے پہلےہی اپنی نصف کمائی غریب بچوں کی تعلیم اور غریب افراد کو کھانا کھلائے جانے پر خرچ کر رکھی ہے۔